នៅតែល្អ! ត្រឡប់ពីការចូលនិវត្តន៍វិញ Szczęsny យប់មិញបង្ហាញខ្លួនឱ្យ Barca នៅតែរស់រវើក សំខាន់សង្គ្រោះបាល់យ៉ាងច្រើន ហើយបិទសូន្យទៀត(មានវីដេអូ)

បរទេស៖ អ្នកចាំទីសញ្ជាតិ ប៉ូឡូញរបស់ Barcelona កីឡាករ Wojciech Szczęsny នៅតែបង្ហាញសមត្ថភាពបានល្អប្រសើរនៅក្នុងការប្រកួតវគ្គពាក់កណ្តាលផ្តាច់ព្រ័ត្រពាន Spanish Super Cup ទល់នឹងក្រុម Athletic Bilbao កាលពីយប់មិញ ទោះបីជាគាត់មិនបានបង្ហាញខ្លួននៅលើទីលានរយៈពេលយូរ និងទើបតែត្រឡប់មកពីការចូលនិវត្តន៍វិញក៏ដោយ។

ជាការពិតណាស់ នៅក្នុងការប្រកួតវគ្គពាក់កណ្តាលផ្តាច់ព្រ័ត្រពាន Spanish Super Cup នាយប់រំលងអាធ្រាត្រឈានចូលថ្ងៃទី ៩ ខែ មករា នេះ ក្រុមអ្នកមានបុណ្យ FC Barcelona បានយកឈ្នះលើក្រុម Athletic Bilbao ២ ទល់នឹង ០ ខណៈលទ្ធផលបែបនេះ គឺបានធ្វើឱ្យក្រុមលោក Hansi Flick កក់កៅអីឡើងទៅកាន់វគ្គផ្តាច់ព្រ័ត្រជាផ្លូវការហើយ។

យ៉ាងណមិញ ក្រោយពីការប្រកួតនេះបញ្ចប់ អ្នកគាំទ្រហាក់មានការចាប់អារម្មណ៍ខ្លាំងមែនទែនលើអ្នកចាំទីចាស់វស្សាវ័យ ៣៤ ឆ្នាំ Wojciech Szczęsny ដែលបានចូលរួមចំណែកយ៉ាងសំខាន់ និងបានជួយសង្គ្រោះគ្រាប់បាល់គ្រោះថ្នាក់ជាច្រើនពីការស៊ុតរបស់កីឡាករក្រុម Athletic Bilbao រហូតជួយក្រុមអ្នកមានបុណ្យទទួលបានជ័យជម្នះ។

ដើម្បីជ្រាបច្បាស់សូមទស្សនាវីដេអូខាងក្រោម៖