ទិដ្ឋភាពសង្ក្រាន្តវត្តភ្នំឆ្នាំមុន ត្រៀមតែសប្បាយឆ្នាំនេះឲ្យហើយទៅ អ្នកភ្នំពេញ

ភ្នំពេញ៖ កាលពីឆ្នាំ២០២២កន្លងទៅនេះ សង្ក្រាន្តវត្តភ្នំ បានធ្វើឲ្យប្រជាជនដែលរស់នៅក្នុងទីក្រុងភ្នំពេញ ហើយមិនបានធ្វើដំណើរទៅស្រុកកំណើត ចូលរួមលេងកម្សាន្តយ៉ាងច្រើនកុះករ។ ទន្ទឹមនឹងនោះ បងប្អូនប្រជាជនបាននាំគ្នាលេងកម្សាន្តនៅឯ បរិវេណវត្តភ្នំ​ ដែលបានប្រារព្ធធ្វើពិធីសង្ក្រាន្តចូលឆ្នាំខ្មែរ យ៉ាងសប្បាយរីករាយ។ 

បើយោងទៅតាម ផេកហ្វេសប៊ុកមួយបានបង្ហោះរូបមួយចំនួន ដែលបានបង្ហាញអំពី សកម្មភាពនៃការលេងកម្សាន្តយ៉ាងកក្រឹកកក្រេងពីសំណាក់ មហាជន ទាំងក្មេង ចាស់ ប្រុស ស្រី កាលពីឆ្នាំមុននេះ។​ លើសពីនោះ គេឃើញមានទាំងភ្ញៀវទេសចរណ៍បរទេស ក៏បានចូលរួមលេងផងដែរ។

ជាមួយគ្នានោះ មហាជនបាននាំគ្នាលេងបាញ់ទឹក ប៉ាតម្សៅ ជុំវិញបរិវេណខាងមុខវត្តភ្នំ ដែលមើលទៅពិតជាសប្បាយខ្លាំងមែនទែន។ ជាពិសេស ងាកមកមើលឆ្នាំនេះវិញ សង្ក្រាន្តវត្តភ្នំ បានរៀបចំរួចជាស្រេច ដើម្បីត្រៀមទទួលភ្ញៀវទាំងខ្មែរ និង បរទេស ទៅលេងកម្សាន្តក្នុងថ្ងៃចូលឆ្នាំខាងមុខ ថ្ងៃទី១៤​ ១៥​ ១៦ ខែមេសានេះ៕

ប្រភព៖ Oliver Jr