ញាក់សាច់ មេីលទិដ្ឋភាពពិធីរៀបអាពាហ៍ពិពាហ៍កូនស្រី ឯកឧត្តមសន្ដិបណ្ឌិត នេត សាវឿន

កម្សាន្ដ៖ ថ្ងៃជោគថ្ងៃជ័យ ជាថ្ងៃសិរីសួស្ដី ចូលរោងជ័យ នៃពិធីមង្គលកូនស្រីរបស់ ឯកឧត្តមសន្ដិបណ្ឌិត នេត សាវឿន និង លោកជំទាវ ហ៊ុន គឹមឡេង កាលពីថ្ងៃទី០១ ខែមិថុនា ឆ្នាំ២០២៣​ ដែលរៀបចំឡើង ទៅតាមពិធីមង្គលការបែបខ្មែរពីដើម ពិតជាអស្ចារ្យស្រស់ស្អាត ជាមួយប្រណិតភាព ថ្លៃថ្នូរ ការរចនាដេគ័រ ស្អាតខ្លាំងគ្មានអ្វីប្រៀបបាននោះទេ ថែមទាំងមានវត្តមានដ៏ខ្ពង់ខ្ពស់បំផុត របស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធ ប៊ុន រ៉ានី ហ៊ុនសែន ចូលរួមផងដែរ។

ទន្ទឹមនឹងនេះ​ បើងាកមកមើលវង់ភក្រ្ដរបស់ កូនកំលោះ និងកូនក្រមុំឯណេះវិញ គឺពិតជាស្រស់សោភា​ ស្រស់សង្ហា ស្រទន់ ពិតជាសាកសមជាគូឧបនិស័្សយ យ៉ាងពិតប្រាកដ ទាំងរូបសម្ផស្ស រូបសម្បត្តិ សមសួន រួមទាំងឋានៈ គឺសាកសមគ្មានកន្លែងទាស់ គ្មានអ្វីប្រៀបបាន ហើយជាគូដែលសាកសមបំផុត ក្នុងឆ្នាំ២០២៣នេះ។

លើសពីនេះទៅទៀត មហាជន​ និងបងប្អូនប្រើប្រាស់បណ្ដាញសង្គម នាំគ្នាស្ងើចសរសើរ មិនដាច់ពីមាត់​ មើលមិនចេះជិនណាយ ជាមួយរូបភាពអស្ចារ្យ យ៉ាងស្រស់ស្អាតច្បាស់ ត្រជាក់ភ្នែក នៅក្នុងថ្ងៃសិរីមង្គល អាពាហ៍ពិពាហ៍កូនស្រីរបស់ ឯកឧត្តមសន្ដិបណ្ឌិត នេត សាវឿន និង លោកជំទាវ ហ៊ុន គឹមឡេង ហើយមិនត្រឹមតែប៉ុណ្ណោះ មហាជនថែមទាំងបាន ជូនពរជ័យ ឲ្យគូស្វាមីភរិយាថ្មី មួយគូនេះ រួមរស់សាងគ្រួសារជាមួយគ្នា ឲ្យពោរពេញទៅដោយសេចក្ដីសុខ សុភមង្គល​ សុខដុមរមនា ស្រឡាញ់គ្នាដល់ចាស់កោងខ្នង ឲ្យដល់គូស្វាមីភរិយា មួយគូនេះថែមទៀតផង៕

ប្រភពរូបភាព៖ The ring wedding cambodia 

សូមទស្សនារូបភាពខាងក្រោម៖