ក្រុមសម្ដែងរឿងខ្មែរមួយក្រុម ថតវីដេអូបង្កប់ន័យ ដូចថតកុនកូនជ្រូក ឥលូវគេហៅទៅអប់រំបាត់

ភ្នំពេញ៖ ជាការពិតណាស់ នៅក្នុងប្រព័ន្ធបណ្ដាញសង្គមសព្វថ្ងៃនេះ គឺសម្បូរបែបយ៉ាងខ្លាំង​ សម្រាប់បងប្អូនខ្មែរ ដែលពួកគាត់ បង្កើតវីដេអូដើម្បីបង្ហោះចូល ទៅក្នុងប្រពន្ធបណ្ដាញសង្គម ច្រើនរាប់មិនអស់ ជាមួយវីដេអូគ្រប់ទម្រង់ គ្រប់ប្រភេទតែម្ដង ដើម្បីទាក់ទាញ អ្នកទស្សនា ប៉ុន្ដែអ្វីដែលមហាជនខ្មែរ តែងកត់សម្គាល់ឃើញនោះ គឺភាគច្រើនពួកគេថតជាលក្ខណៈ វីដេអូខ្លីបែបអប់រំ ប៉ុន្ដែវីដេអូបែបអប់រំខ្លះ គឺពិតជាហួសហេតុ ព្រោះមានឈុតស្រើបស្រាល ស្លៀកសម្លៀកបំពាក់ មិនបានសមរម្យ នៅក្នុងរឿងដែលពួកគេផលិតនោះជាដើម។

យ៉ាងណាមិញ បើនិយាយដល់ក្រុមផលិតវីដេអូ បែបអប់រំ​ ជាមួយសកម្មភាពស្រើបស្រាល ប្រាកដណាស់ប្រិយមិត្ត ពិតជានឹកឃើញដល់ក្រុមសម្ដែងមួយក្រុម​ ខណៈតួសម្ដែងស្រីៗរបស់ក្រុមនោះ តែងថតស្លៀកសម្លៀកបំពាក់ បញ្ចេញសាច់​ លេចលើលេចក្រោម មិនសមភ្នែកអ្នកទស្សនា ដែលប្រៀបដូច ជាការបន្ទាបតម្លៃស្ដ្រីខ្មែរ ជាមួយអត្ថន័យសាច់រឿងស្រើបស្រាល ដែលជាផលប៉ះពាល់ ដល់សង្គមជាតិផងដែរ។

មិនត្រឹមតែប៉ុណ្ណោះ ក៏មានមហាជន និងបងប្អូន​ អ្នកប្រើប្រាស់បណ្ដាញសង្គមជាច្រើន បានបញ្ចេញមតិប្រតិកម្ម រិះគន់ព្រោងព្រាត និងថែមទាំងបានស្នើរសុំ ទៅដល់ក្រសួងវប្បធម៌​ និងវិចិត្រសិល្បៈ ហៅទៅណែនាំទៅកាន់ក្រុមរបស់ពួកគេទៀតផង ប៉ុន្ដែបើសិនជាមានមតិរិះគន់ ទៅកាន់ក្រុមរបស់ពួកគេយ៉ាងបែបនេះក្ដី ក៏ក្រុមរបស់ពួកគេមិនបានខ្វល់ ថែមទាំងឃើញនៅតែបន្ដ ផលិតបែបនេះដដែលៗផងដែរ។

ដោយឡែក មួយវីដូអូទៅមួយវីដេអូ នៅតែបន្ដសម្ដែងបែបនេះ បន្ទាប់ពីមហាជន ធ្វើការរិះគន់យ៉ាងខ្លាំងទៅលើ ក្រុមសម្ដែងមួយនេះជាហូរហែរ ពេលនេះក្រុមរបស់ពួកគេ ត្រូវបាននាយកដ្ឋាន ភាពយន្ដបានហៅទៅណែនាំហើយ ដោយឲ្យក្រុមរបស់ពួកគេបន្តឈប់ ផលិតនូវវីដេអូអប់រំបែបស្រើបស្រាលនេះទៀត និងនាយកដ្ឋាន បានផ្ដល់នូវដំបូន្មានល្អៗទៅកាន់ពួកគេ ហើយខណៈនោះ ពួកគេបានលើកម្រាមដៃ១០ សំពះសុំទោស ទៅកាន់មហាជនទាំងអស់ ហើយថែមទាំងសន្យា ថាក្រុមរបស់ខ្លួននឹងឈប់ ផលិតវីដេអូបែបនេះ ដែលធ្វើឲ្យប៉ះពាល់ដល់សង្គមជាតិ និងវប្បធម៌ទៀតហើយ៕

សូមទស្សនារូបភាពខាងក្រោម៖