ឃេីញគាត់រួសរាយ តាមពិតInfluencer Yuro បាត់ពីសង្គម៥ឆ្នាំ ដោយសារកើតជម្ងឺនេះសោះ (មានវីដេអូ)

កម្សាន្ត៖ ជឿជាក់ថា ប្រិយមិត្តច្បាស់ជាបានស្គាល់តារាល្បីក្នុងបណ្ដាញសង្គម Yuro Mong តាមរយៈវីដេអូបែបកំប្លែងកម្សាន្តអារម្មណ៍ ដែលរូបលោក ទើបតែត្រឡប់មកផលិតវីដេអូសារជាថ្មី បន្ទាប់ពីបាត់មុខអស់មួយរយៈធំ។ ត្រឡប់មកវិញ លោកបានបង្កើតវីដេអូកម្សាន្តជាច្រើនបន្ដបន្ទាប់ធ្វើឲ្យមហាជនសើចសប្បាយបំបាត់ទុក្ខ ហើយប្រជាប្រិយរបស់លោកក៏នៅតែល្បីល្បាញលើសដើម។

ដោយឡែក ប្រិយមិត្តច្បាស់ជាមានចម្ងល់ហើយថា ហេតុអីបានជា Yuro បាត់មុខពីការផលិតវីដេអូយូរម្ល៉េះ តាំងពីឆ្នាំ២០១៨មក ៥ឆ្នាំហើយ ដែលលោកទើបតែបង្ហាញមុខវិញ។ តាមរយៈវីដេអូដែលគេបានចែករំលែក តារាកំប្លែងរូបនេះ បានរៀបរាប់អំពីមូលហេតុដែលលោកបាត់មុខពីសង្គម។

នៅក្នុងនោះ Yuro បានបកស្រាយថា លោកបាត់មុខ ក៏ព្រោះតែ លោកកើតជម្ងឺបាក់ទឹកចិត្ត Depression ពិបាកក្នុងការជួបប្រទះនឹងភាពផ្លាស់ប្ដូរ។​ មិនតែប៉ុណ្នោះ លោកបញ្ជាក់ថា ខ្លួនជាមនុស្សប្រភេទ Introvert ចូលចិត្តនៅស្ងាត់ៗ ដូចនេះ នៅពេលលោកទទួលបានការល្បីល្បាញភ្លាមៗ ស្ថានភាពលោកវាផ្ទុយស្រឡះពីមុន។

លើសពីនោះ លោកធ្លាប់លេបថ្នាំក្នុងអក្ការៈនេះទៀតផង ដល់ថ្នាក់លោករត់ទៅសម្រាកទៅវិហារ មិនចូលផ្ទះដល់ទៅ២ខែឯណោះ ហើយបន្ដបែបនេះ។ រហូតដល់ដើមឆ្នាំ២០២២ Content creator Qwin និង អ្នកនាង Ka Ka K​h បានដឹងពីបញ្ហាដែល Yuro ជួបប្រទះ ហើយពួកគេក៏បានលើកទឹកចិត្តឲ្យខ្លួនត្រឡប់មកធ្វើវីដេអូវិញ ទើបយើងបានឃើញ Yuro បង្ហាញខ្លួនវិញដូចសព្វថ្ងៃនេះ រីឯប្រជាប្រិយភាពកាន់តែល្បីលើសដើម៕

ដើម្បីឲ្យកាន់តែច្បាស់ សូមទស្សនាវីដេអូខាងក្រោមនេះ៖