នៅតែអ៊េម! Ronaldo ចាប់ដៃគ្នាជាមួយ Mane ស៊ុត ៣ គ្រាប់ ជួយឱ្យ Al-Nassr ឈ្នះ Al Akhdoud ៣-១(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១០ ខែ មករា ឆ្នាំ ២០២៥ នេះ ក្រុម Al-Nassr បានបើកទ្វាកីឡដ្ឋាន Al-Awwal Park របស់ខ្លួនទទួលស្វាគមន៍ក្រុមភ្ញៀវ Al Akhdoud នៅក្នុងការប្រកួតសប្តាហ៍ទី ១៤ នៃក្របខណ្ឌ Saudi Pro League របស់ អារ៉ាប៊ីសាអ៊ូឌីត។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Al-Nassr ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Al Akhdoud ក្នុងលទ្ធផល ៣ ទល់នឹង ១។

ក្នុងនោះ ៣ គ្រាប់របស់ Al-Nassr គឺរកបានដោយ Sadio Mane ២ គ្រាប់ គឺនៅនាទីទី ២៩ និង ៨៨ ចំណែក ១ គ្រាប់ទៀត គឺរកបានដោយ Cristiano Ronaldo នៅនាទីទី ៤២ តាមរយៈបាល់ពិន័យ ១១ ម៉ែត្រ។

គួរបញ្ជាក់ថា Al-Nassr បច្ចុប្បន្នកំពុងឈរនៅលេខរៀងទី ៣ នៃក្របខណ្ឌ Saudi Pro League ដោយឆ្លងកាត់ ១៤ ប្រកួត ពួកគេឈ្នះ ៨ ស្មើ ៤ និងចាញ់ ២ មាន ២៨ ពិន្ទុ រីឯ Al Akhdoud វិញកំពុងឈរនៅលេខរៀងទី ១៤ ក្រោយឆ្លងកាត់ ១៤ ប្រកួតដូចគ្នា ពួកគេឈ្នះ ៣ ស្មើ ៣ និងចាញ់ ៨ មាន ១២ ពិន្ទុ។

សូមទស្សនាវីដេអូខាងក្រោម៖