ស្អាតអស្ចារ្យ បើកបង្ហាញសួនព្រះរាជដំណាក់ក្រុងសៀមរាប កែលម្អជិតរួចរាល់ហើយ

សៀមរាប៖ ខេត្តសៀមរាប ជាតំបន់ប្រវត្តិសាស្ត្រនិងជាតំបន់ទេសចរណ៍ដែលមានភ្ញៀវជាតិនិងអន្តរជាតិទៅលេងកម្សាន្ត។ ក្រៅពីតំបន់ប្រាសាទអង្គរនានា នៅកណ្ដាល ក្រុងសៀមរាប មានសួនច្បារដ៏ស្រស់ស្អាតមួយ គឺ សួនព្រះរាជដំណាក់ ដែលកំពុងកែលម្អឲ្យស្អាតសារជាថ្មី។  

សួនព្រះរាជដំណាក់ ស្ថិតនៅលើផ្លូវជាតិលេខ៦ មានទីតាំងនៅចំកណ្ដាលក្រុងសៀមរាប ដែលងាយស្រួលសម្រាប់ភ្ញៀវទេសចរណ៍ឈានចូលលេងកម្សាន្ត។ សួននេះ បានដំណើរការជួសជុលតាំងពីថ្ងៃទី ២៦ ខែកុម្ភះ ឆ្នាំ២០២០ កន្លងទៅ ហើយគម្រោងការសាងសង់នឹងបញ្ចប់ឲ្យបាននៅក្នុងឆ្នាំ២០២១នេះ។ 

សួនច្បារមួយនេះ នឹងមាន​រៀបចំ​នៅ​របង​ក្លោងទ្វារ​សួនច្បារ​ការសាងសង់​ផ្លូវ​ថ្មី​ដើម្បី​សម្រួល​ចរាចរ​  ពិសេសលើកសោភណ្ឌភាពទីក្រុង និងដើម្បីទាក់ទាញភ្ញៀវទេសចរណ៍។ បើទោះបី សួនព្រះរាជដំណាក់ មិនទាន់កែលម្អរួច១០០ភាគរយក៏ដោយ ប៉ុន្តែវាបានលេចចេញជារូបរាងដ៏ស្រស់ស្អាត ត្រៀមចាំបងប្អូនអ្នកដំណើរកម្សាន្តទៅថតរូបលេងយ៉ាងសប្បាយផងដែរ៕ 

ប្រភព៖ តោះទៅលេង សៀមរាប-Let's Go To Siem Reap