មេហ្វេសប៊ុក បង្កើត Appថ្មី ឈ្មោះ Thread ចង់បំបាក់​ Twitter ហើយអាចលេង ក្នុងស្រុកខ្មែរបានទៀត

កម្សាន្ត៖ ជាការពិតណាស់ លោក Mark Zuckerberg ដែលជាម្ចាស់ក្រុមហ៊ុន Facebook កំពុងតែមានទំនាស់ពាក្យសម្ដីជាមួយនឹង លោក Elon Musk ដែលជាម្ចាស់ក្រុមហ៊ុន App Twitter។ ជាពិសេស Mark បាននិយាយឌឺដងទៀតថា Twitter មិនមែនជាដៃគូប្រជែងរបស់ Facebook ឡើយ។

ថ្មីៗនេះ CEO វ័យក្មេងរូបនេះ ក៏បានប្រកាសបញ្ចេញ​ App មួយដ៏ថ្មីស្រឡាង ដែលស្រដៀងនឹង Twitter ដែរ ដែលនឹងធ្វើជាដៃគូប្រកួតប្រជែងគ្នា។ នៅក្នុងនោះ App ថ្មីនេះ ឈ្មោះថា Threads ដែលវាជាបណ្ដាញសង្គមមួយត្រូវបានផលិតឡើងដោយ ក្រុមការងាររបស់ Instagram ដែលជាស្រឡាយរបស់ Facebook ដែរ។

បន្ថែមពីនោះ Threads ជាកម្មវិធីបណ្ដាញសង្គមមួយ មិនខុសពី Twitter ប៉ុន្មានដែរ ដែលអ្នកប្រើប្រាស់អាចបង្ហោះសារជាអក្សរបានដល់ទៅ៥០០ពាក្យ រូបភាព និង វីដេអូបានជាង៥នាទី។ លើសពីនោះ អ្នកប្រើប្រាស់អាចភ្ជាប់ កម្មវិធីនេះ ទាញយកគណនីចាស់ពី Instagram បាន បើសិនជាអ្នកចង់ប្រើគណនីដ៏ដែលដូចទៅនឹងគណនី Instagram របស់អ្នក។ 

ជុំវិញការបញ្ចេញនូវកម្មវិធីប្រើប្រាស់ថ្មីស្រឡាងមួយនេះផងដែរ ត្រូវបានគេសន្និដ្ឋានថា លោក Mark ចង់កាច់បំបាក់ ក្រុមហ៊ុន Twitter វាយលុកយកទីផ្សារមកក្ដោបក្ដាប់ទាំងអស់៕

ប្រភព៖ Internet