ក្រៅពី ទឹកជ្រោះប៊ូស្រាខេត្តមណ្ឌលគិរី នៅមានកន្លែងដើរលេងច្រើនទៀត

កម្សាន្ត៖  ខេត្តមណ្ឌលគិរី គឺជាខេត្តមួយ នៅក្នុងប្រទេសកម្ពុជាដែលសម្បូរទៅដោយកន្លែងទេសចរណ៍ធម្មជាតិ ជាពិសេសទឹកជ្រោះប៊ូស្រា ជាកន្លែងកម្សាន្តដែលមានល្បីល្បាញប្រចាំ ខេត្តមណ្ឌលគិរី និងទាក់ទាញភ្ញៀវទេសចរណ៍ជាតិនិងអន្តរជាតិទៅលេងកម្សាន្ត។ មិនតែប៉ុណ្ណោះខេត្តនេះ ក៏មានទឹកជ្រោះធម្មជាតិនិងតំបន់ទេសចរណ៍ជាច្រើនកន្លែងផងដែរដូចជា៖

១. ទឹកជ្រោះប៊ូស្រា

ទឹកជ្រោះប៊ូស្រា មានចម្ងាយ ៣៨គីឡូម៉ែត្រពីទីរួមខេត្ត វាជារម្មណីយដ្ឋានដ៏ល្បីល្បាញមួយដែលមានភ្ញៀវទេសចរណ៏ជាច្រើនទៅលេងកម្សាន្ត។

២. ទឹកជ្រោះមនោរម្យ

វាជាកន្លែងដែលមានចម្ងាយជិតជាងគេពោគឺ ៥គីឡូម៉ែត្រពីទីរួមខេត្ត ដែលអាចឲ្យយើងមានភាពងាយស្រួលក្នុងការទៅលេងទីនេះ។

៣. សមុទ្រឈើ

ចម្ងាយផ្លូវនៅសមុទ្រឈើក៏ដូចទៅនឹងចម្ងាយផ្លូវទៅទឹកជ្រោះមនោរម្យដែរ គឺ៥គីឡូម៉ែត្រពីទីរួមខេត្ត។​ វាជាកន្លែងធម្មជាតិលើភ្នំ ដែលអាចឲ្យយើងថតរូបកម្សាន្តនិងគយគន់សមុទ្រឈើដ៏ល្វឹងល្វើយ។

៤. ជ្រៃយស

មានចម្ងាយ៧គីឡូម៉ែត្រ ពីទីរួមខេត្តដែលជារមណីយដ្ឋានព្រៃភ្នំនិងសំបូរទៅដោយដើមឈើធំៗដែលមានអាយុរាប់រយឆ្នាំ។

៥. ទឹកជ្រោះរមនាទី២

មានចម្ងាយ ១២គីឡីម៉ែត្រពីទីរួមខេត្ត ដែលយើងអាចទៅមើលទេសភាពនឹងលេងល្បាក់ទឹកកម្សាន្ត។

៦. ទឹកជ្រោះលែងទូវ

ដែលមានចម្ងាយ ១៥គីឡូម៉េត្រពីទីរួមខេត្ត រមណីយដ្ឋានធម្មជាតិមួយនេះមានល្បាក់ទឹកស្រស់ស្អាតគួរឲ្យទាក់ទាញ។

៧. ទឹកជ្រោះជ្រៃធំ

មានចម្ងាយ ២០គីឡូម៉ែត្រពីទីរួមខេត្ត វាជាទឹកជ្រោះធម្មជាតិដ៏សែនមនោរម្យ។

៨. ទឹកជ្រោះលែងឃិន លែងអង់

មានចម្ងាយ ២២គីឡូម៉ែត្រពីទីរួមខេត្ត មានទឹកធ្លាក់ត្រជាក់ស្រស់ស្រាយ អមទៅដោយសម្រស់ព្រៃព្រឹក្សា។