ឥលូវដើរលេងអត់កើតមែន តែអាចមើលកន្លែងស្អាតៗទាំងនេះសិនបាន ស្ងាត់កូវីដចាំទៅលេងក៏បាន

កម្សាន្ត៖ ពិតណាស់ បច្ចុប្បន្នប្រទេសរបស់យើងកំពុងតែមានការរីករាលដាលនៃជំងឺកូវីដ-១៩ ដោយចំនួនអ្នកឆ្លងកាន់តែច្រើនឡើងៗពីមួយថ្ងៃទៅមួយថ្ងៃគួរឲ្យបារម្ភ ដូច្នេះហើយទើបថ្នាក់ដឹកនាំរបស់យើង បានសម្រេចចិត្តបិទផ្លូវធ្វើដំណើរ មិនឲ្យចេញចូលពីខេត្តមួយទៅខេត្តមួយបាននោះឡើយ ពោលគឺតម្រូវឲ្យនៅតែផ្ទះតែប៉ុណ្ណោះ ដើម្បីរក្សាសុវត្ថិភាពយើងទាំងអស់គ្នា។

យ៉ាងណាមិញ ត្បិតតែថាពេលនេះ យើងមិនអាចដើរលេងកម្សាន្តតាមបណ្ដាខេត្ត ឬរមណីយដ្ឋាននានាបានក៏ពិតមែន ប៉ុន្តែទន្ទឹមនឹងកាលៈទេសៈបែបនេះ យើងក៏អាចស្វែងរកកន្លែងដើរលេងថ្មីៗស្អាតៗនៅផ្ទះបណ្ដើរៗសិនក៏បាន ងាយស្រួលដល់ពេលស្ងប់ស្ងាត់កូវីដបន្តិច នោះយើងអាចទៅលេងបានតែម្ដង។ 

ដែលកន្លែងនោះមានដូចខាងក្រោម៖

១.អាហារដ្ឋានស្មៅទន្លេ

ទីនេះ មានទីតាំងស្ថិតក្នុងភូមិ២ សង្កាត់វាលវង្ស ក្រុងកំពង់ចាម ខេត្តកំពង់ចាម។ រូបភាពពី៖ Peng Chhun 

២.សួនផ្កាឡាអេសេវិន (La A Seven Flower Farm)

មានទីតាំងនៅក្នុងខេត្តបាត់ដំបង ម្ដុំស្រែ ១០០០ ចម្ងាយ ៤០០ម៉ែត្រពីផ្សារពោធិ៍វង្ស ទៅខាងលិច៕ រូបភាព៖ La A Seven Flower Farm

៣.រមណីយដ្ឋានធម្មជាតិ ស្ទឹងភេ

រមណីដ្ឋានដ៏ស្រស់ស្រាយបែបធម្មជាតិមួយនេះ មានទីតាំងស្ថិតនៅភូមិពងទឹក ឃុំស្រែចែង ស្រុកជុំគីរី ខេត្តកំពត។ រូបភាព៖ រមណីយដ្ឋាន ស្ទឹងភេ

៤.កោះដំបូង រីសត

ទីនេះជាតំបន់រមណីយដ្ឋានថ្មីមួយដែលទើបតែលេចរូបរាងឡើង ស្ថិតក្នុងភូមិ បឹងតាព្រាម សង្កាត់ត្រើយកោះ ក្រុងកំពត ខេត្តកំពត។ ហើយទីនេះ ពិតជាមានបរិយាកាសស្ងប់ស្ងាត់ល្អ និងមានទេសភាពស្អាតខ្លាំងតែម្ដង។ រូបភាព៖ កោះដំបូង

៥.កោះស្ដេច

កោះស្ដេច គឺជាកោះធម្មជាតិមួយ ស្ថិតនៅក្នុងភូមិ កោះស្តេច ឃុំកោះស្ដេច ស្រុកគីរីសាគរ ខេត្តកោះកុង។ រូបភាព៖ កោះស្ដេច

៦.រមណីដ្ឋានប្រាសាទបន្ទាយទ័ព

មាន​ទីតាំង​ស្ថិត​ក្នុង​ភូមិ​ អូរ​តា​ប៉ាង ​ឃុំ​អូរ​ឧកញ៉ា​ហេង ​ស្រុក​ព្រៃនប់​ ​ខេត្ត​ព្រះសីហនុ​។ រូបភាព៖ ហ្វេសប៊ុក