មឹកបំពងខ្ទឹមបែបថៃឆ្ងាញ់ខ្លាំង រូបមន្តងាយចាំ

កម្សាន្ត៖ មឹក ជាគ្រឿងសមុទ្រម៉្យាងដែលអាចយកទៅធ្វើម្ហូបបានច្រើនប្រភេទច្រើនបែបទៅតាមចំណងចំណូលចិត្តរបស់យើងរៀងៗខ្លួន។ មឹកបំពងខ្ទឹម គឺជាមុខម្ហូបដែលពេញនិយម វាមានរសជាតិជូរ ប្រៃ ហិលឆ្ងាញ់។

គ្រឿងផ្សំ៖

១. មឹក ៨០០ក្រាម

២. ខ្ទឹមស ១មើមធំ

៣. ម្រេចម៉ត់ ១ស្លាបព្រាបាយ

៤. ស្លឹកខ្ទឹម តិចឬច្រើនតាមចំណូលចិត្ត

៥. សាច់ជ្រូកចិញ្ច្រាំ ៣៥០ក្រាម

៦. ទឹកប្រេងខ្យង និង​ ទឹកស៊ីអីវ ២ស្លាបព្រាបាយ

៧. ទឹកត្រី ១ស្លាបព្រាបាយ

៨. ស្ករស ១ស្លាបព្រាបាយ

៩. ម្ទេស (ដាក់ក៏បាន មិនដាក់ក៏បាន)

របៀបធ្វើ៖

១. យើងត្រូវត្រៀមគ្រឿងសម្រាប់ញាត់ក្នុងមឹកជាមុនសិន ដោយយកខ្ទឹមស ម្ទេស ម្រេចម៉ត់ បុកចូលគ្នាឲ្យម៉ត់ហើយយកទៅលាយជាមួយសាច់ជ្រូកចិញ្ច្រាំ ស្លឹកខ្ទឹមហាន់តូចៗ ទឹកប្រេងខ្យង ទឹកស៊ីអីវ ទឹកត្រី ស្ករស ច្របល់ចូលគ្នាឲ្យសព្វហើយទុករយៈពេល១០នាទីដើម្បីឲ្យវាចូលជាតិ។

២. យកមឹកលាងសម្អាតជាពីចំណែក ខ្លួនផ្សេង នឹងក្បាលផ្សេង(យកគ្រឿងក្នុងនឹងភ្នែកវាចេញ)

 ព្រោះយើងយកខ្លួនមឹកសម្រាប់ញត់គ្រឿង.

៣. យកគ្រឿងដែលត្រៀមហើយនោះមកញាត់ក្នុងខ្លួនមឹកហើយយកក្បាលវាមកបិតជាប់មឹកវិញ ហើយយកឈើចង្កាក់មកដោតទទឹកក្បាលមឹកដើម្បីឲ្យវាជាប់។

៤. បន្ទាប់មកយកវាទៅចំហុយរយៈពេល១០នាទីសឹមយកវាទៅបំពងឲ្យឆ្អិន។ មឹកបំពងខ្ទឹម ឆ្អិនហើយយើងអាចញុំាជាមួយទឹកជ្រលក់ច្រើនប្រភេទតាមដែលអ្នកចូលចិត្ត៕