មកដឹងពីរូបមន្តធ្វើនំដំឡូងជ្វាបំពង ឬនំពងអណ្ដើកដែលកំពុងល្បីល្បាញ

កម្សាន្ត៖ នំដំឡូងជ្វាបំពងឬនំពងអណ្តើក ជានំដែលបច្ចុប្បន្នកំពុងតែទទួលការចាប់អារម្មណ៌ខ្លាំង ព្រោះតែវាមានរសជាតិស្រួយឆ្ងាញ់ ញុំាមិនជិនណាយ។ យើងឃើញនំលក់នៅហាងមួយចំនួនដែលល្បីមែនទែន ហើយថែមទាំងកំពុងពង្រីកសាខាបន្ថែមទៀតដោយសារតែមានការគាំទ្រពីអតិថិជន។ ចង់ដឹងថាបន្ទាប់ពីមានរូបមន្តធ្វើហើយ តើយើងអាចធ្វើ នំដំឡូងជ្វាបំពង នេះឲ្យមានរសជាតិឆ្ងាញ់បានឬទេ តោះសាកធ្វើទាំងអស់គ្នា។

គ្រឿងផ្សំ៖

១. ដំឡូងជ្វា ២០០ក្រាម

២. ម្សៅឆា ៣០ក្រាម

៣. ម្សៅមី ​២០ក្រាម

៤. ស្ករស ១ស្លាបព្រាបាយ

៥. ខ្ទិះដូង ១ស្លាបព្រាបាយ

៦. អំបិលបន្តិច

៧. មេម្សៅបន្តិច Baking powder

របៀបធ្វើ៖

១. ដំបូងយើងចិតដំឡូងលាងទឹកឲ្យស្អាត ហាន់វាជាដំៗ ហើយយកវាទៅចំហុយក្នុងឆ្នាំងមួយឲ្យឆ្អិនល្មម។

២. បន្ទាប់មកយកដំឡួងដែលចំហុយហើយទៅច្របាច់លាយជាមួយគ្រឿងផ្សំដូចជា ម្សៅឆា ម្សៅមី ស្ករស អំបិល baking powder ខ្ទិះដូង។

៣. ពេលច្របាច់លាយវាឲ្យសព្វចូលគ្នាហើយ យើងលុញវាជារាងមូលៗ បន្ទាប់មកយកវាទៅបំពងក្នុងខ្ទះដោយដាក់ខ្លាញ់ឲ្យច្រើនដើម្បីឲ្យ នំពងអណ្ដើក របស់យើងឆ្អិនល្អ៕

ប្រភព៖ cooking with Nisa