មានតែពងមាន់ ក៏អាចធ្វើបង្អែមសង់ខ្យាបានដែរ ងាយស្រួលហើយ ឆ្ងាញ់មាត់ទៀត

កម្សាន្ត៖ ពងមាន់ មានអត្ថប្រយោជន៍ច្រើន ជាពិសេសដើរតួជាគ្រឿងផ្សំ និងមុខម្ហូបដែលយើងអាចយកទៅជាអាហារបានជាច្រើនប្រភេទ លើសពីនោះ ពងមាន់អាចយកទៅធ្វើជាបង្អែមមួយមុខដ៏ឆ្ងាញ់នោះគឺ បង្អែមសង់ខ្យាពងមាន់ ។ វាមានវិធីធ្វើងាយស្រួលហើយចំណាយពេលចម្អិន គឺពិតជាលឿនតាមរបៀបខាងក្រោម៖

គ្រឿងផ្សំ៖

១. ពងមាន់ ៥គ្រាប់

២. ដូងខ្ទិះ ២៥០ មីលីលីត្រ

៣. ស្ករត្នោត ១៥០ក្រាម

៤.​ ស្លឹកតើយ ៣សន្លឹក

វិធីធ្វើ៖

១. គោះពងមាន់ដាក់ក្នុងចានធំល្មម ហើយដាក់ស្ករត្នោត ខ្ទិះដូង និងស្លឹកតើយ លាយចូលគ្នាឲ្យសព្វល្អ។

២. បន្ទាប់មកយើងយកពងមាន់ដែលលាយហើយទៅជម្រោះ ដើម្បីកុំឲ្យមានសល់កាក រួចយកវាទៅចំហុយប្រហែល ២៥នាទី ឆ្អិនរួចរាល់។ បង្អែមសង់ខ្យាពងមាន់ នេះអាចញុំាជាមួយបាយដំណើបបានផងដែរ៕  

ប្រភព៖ ឆ្ងាញ់រាល់ថ្ងៃ-Dailyfoods