បើសិនចុងសប្ដាហ៍ទំនេរ បបួលគ្នាមកធ្វើ ពងទាកូនដុតទឹកអំពិលជាមួយគ្នា

កម្សាន្ត៖ ពងទាកូនដុតទឹកអំពិល ជាអាហារមួយដែលគេនិយមចូលចិត្តខ្លាំង ដែលគេឃើញមានលក់នៅតាមតូបតូចៗហើយមានរសជាតិឆ្ងាញ់។ បើចង់ញុំារបស់ឆ្ងាញ់ញុំាម្នាក់ឯងមិនមានជាតិទេ បបួលមិត្តភក្តិឬក្រុមគ្រួសារធ្វើញុំាជាមួយគ្នាទើបសប្បាយ។

គ្រឿងផ្សំ៖

១.​ ពងទាកូន

២.​ ទឹកអំពិលទុំ

៣. ម្ទេសហុយ

៤. ទឹកម្ទេស

៥. ទឹកក្រូចឆ្មា

៦. ខ្ទឹមស ខ្ទឹមក្រហម

៧. ប្រេងឆា

៨. ជី ស្លឹកខ្ទឹម

៩. សណ្ដែកដី

១០. ស្ករស អំបិល ប៊ីចេង

របៀបធ្វើ៖

១. ដំបូងយើងត្រូវយកពងទាដែលមានកូនក្នុងនឹងលាងឲ្យស្អាត ហើយដាក់ស្ងោរពងទាកូនឲ្យឆ្អិនជាមុនសិន ។

២. បន្ទាប់មកយកគ្រឿងផ្សំមានដូចជា ខ្ទឹមស ខ្ទឹមក្រហម ទឹកអំពិលទុំ ទឹកក្រូចឆ្មា ទឹកម្ទេស ម្ទេសហុយ សណ្ដែកដី ស្ករស អំបិល ប៊ីចេង មកឆាក្នុងខ្ទះដាក់ប្រេងឆា ហើយឆាវាឲ្យសព្វចូលគ្នាឆ្អិន ដួសដាក់ចានទុកសិន។

៣. យកពងទាកូនគួសដាក់កូនចានសម្រាប់ដាក់អាំង ហើយចាក់គ្រឿងដែលឆាហើយពីលើថែមជាមួយនឹងស្លឹកជី ស្លឹកខ្ទឹម អាំងលើភ្លើងឲ្យឆ្អិនល្មមជាការស្រេច៕

ប្រភព៖ ម្ហូបស្រុកស្រែ