ម្ហូបងាយៗ សម្រាប់អ្នកដែលមិនសូវចេះធ្វើម្ហូប ក៏អាចធ្វើត្រីចំហុយទឹកម្ទេស បានយ៉ាងងាយ

កម្សាន្ត៖ បើយើងចង់ធ្វើម្ហូបមួយមុខឲ្យមានរសជាតិឆ្ងាញ់ ប៉ុន្តែអ្នកមិនដឹងធ្វើម្ហូបអីហើយមិនសូវចេះវិធីធ្វើផងនោះ ម្ហូបដែលងាយស្រួលហើយអាចធ្វើបានយ៉ាងឆ្ងាញ់គឺ ត្រីចំហុយទឹកម្ទេស​។ ម្ហូបនេះ យើងមិនចាំបាច់ទាល់តែធ្លាប់ធ្វើត្រីទើបអាចធ្វើវាបាននោះទេ នៅពេលយើងទិញពីផ្សារអាចឲ្យអ្នកលក់ធ្វើត្រីឲ្យស្អាតសិនបាន។ វិធីខាងក្រោមអាចណែនាំពីវិធីធ្វើត្រីចំហុយទឹកម្ទេសងាយៗ៖

គ្រឿងផ្សំ៖

១. ត្រី (អាចយកត្រីអីក៏បានតាមចំណង់ចំណូលចិត្ត)

២. គល់ស្លឹកគ្រៃ ដំឲ្យបែកបន្តិច

៣. អំបិល ស្ករស ប៊ីចេង ទឹកត្រី

៤. ខ្ទឹមស ម្ទេស ក្រូចឆ្មា

៥. ជីវ៉ាន់ស៊ុយ ៤ដើម

របៀបធ្វើ៖

១. យកត្រីលាងសម្អាតឲ្យស្អាត ហើយយកគល់ស្លឹកគ្រៃញាត់ចូលក្នុងមាត់ត្រី បន្ទាប់មកយកត្រីទៅប្រលាក់អំបិលបន្តិចដាក់ចំហុយក្នុងឆ្នាំងឲ្យឆ្អិន១៥នាទី។

២. ធ្វើទឹកម្ទេស យើងយកខ្ទឹមចិញ្ច្រាំឲ្យម៉ត់ល្មម ហាន់ម្ទេសតូចៗ ហើយដាក់ចូលក្នុងចានលាយជាមួយស្ករស អំបិល ប៊ីចេង ទឹកត្រី ទឹកក្រូចឆ្មា កូរចូលគ្នាហើយភ្លក់យករសជាតិតាមចំណូលចិត្ត។

៣. ពេលត្រីចំហុយឆ្អិនហើយរៀបដាក់ក្នុងចាន ចាក់ទឹកម្ទេសពីលើ បន្ថែមជីវ៉ាន់ស៊ុយអមជាមួយត្រីជាការស្រេច៕

ប្រភព៖ Housewife