បើមិនសាកមិនដឹងទេថា បាយដំណើបពោត ផ្អែមឆ្ងាញ់ប៉ុណ្ណាទេ!

កម្សាន្ត ៖ បាយដំណើប គឺជាបង្អែមខ្មែរដ៏ល្បី ដែលវាអាចញុំាជាមួយអាហារបានច្រើនប្រភេទ ជាពិសេសយើងអាចធ្វើបង្អែមបាយដំណើបពោតបាយ ដោយងាយហើយវាមានរសជាតិផ្អែមឆ្ងាញ់ទៀតផង។

គ្រឿងផ្សំ៖

១. អង្ករដំណើប ២កំប៉ុង

២. ពោត ២ផ្លែ

៣. សាច់ដូង

៤. ខ្ទិះដូង កន្លះពែង

៥. ល្ង

៦. ស្ករស កន្លះពែង

៧. អំបិល ១ស្លាបព្រាកាហ្វេ

របៀបធ្វើ៖

១. យកពោតប្រឡេះសាច់វាចេញ យកអង្ករដំណើបលាងទឹកសម្អាតហើយចាកចូលក្នុងឆ្នាំងដើម្បីដាំវារួចចាក់ពោតចូល ដាក់ទឹកមួយពែងបន្ទាប់មកដាក់វាដាំដូចដាំបាយធម្មតា។

២. នៅពេលវាខះទឹកយើងយកវែកបាយមកកូរវាហើយចាក់ខ្ទិះដូងចូលទុកចម្អិន៥នាទីទៀត។ យកល្ងលាយជាមួយស្ករស អំបិលដាក់ក្នុងចាន។

៣. ពេលបាយដំណើបឆ្អិនហើយ​ដួសដាក់ចានលាយជាមួយនឹងល្ង រោយសាច់ដូងពីលើពិតជាឆ្ងាញ់។

ប្រភព៖ Cooking with Phim