មិនចាំបាច់តែម្ហូបថ្លៃៗអី ត្រឹមតែបុកម្ជូរក្រសាំងនេះ ឆ្ងាញ់យកទៅណាមិនអស់

កម្សាន្ត៖ ម្ជូរក្រសាំងគឺជាមុខម្ហូបបែបស្រុកស្រែ មានរសជាតិជូរ ហិរដែលភាគគេនិយមចូលចិត្តទទួលទាន។ វាមានភាពងាយស្រួលក្នុងការធ្វើ ហើយមានគ្រឿងផ្សំបែបសាមញ្ញៗ។ ដើម្បីបុកម្ជូរក្រសាំងឲ្យមានរសជាតិឆ្ងាញ់យើងត្រូវធ្វើតាមក្បួនខាងក្រោម៖

គ្រឿងផ្សំ៖

១. ក្រសាំង ២ផ្លែ

២. ប្រហុកចិញ្ច្រាំ ១ស្លាបព្រាបាយ

៣. ម្ទេសទុំ ដាក់តាមចំណូលចិត្ត

៤. ខ្ទឹមស ២កំពឹស

៥. ប៊ីចេង ១ចុងស្លាបព្រាកាហ្វេ

៦. អំបិល ១ចុងស្លាបព្រាកាហ្វេ

របៀបធ្វើ៖

១. កាត់ស្លឹកចេកល្មមសម្រាប់ខ្ចប់ប្រហុក រួចយកទៅដុតអោយឆ្អិន។ លីងម្ទេសទុំនិងខ្ទឹមសឲ្យឆ្អិន បន្ទាប់មកដាក់ចូលក្នុងត្បាល់ បុកឲ្យម៉ត់ដាក់សាច់ក្រសាំង ប៊ីចេង និងអំបិលចូល រួចបុកច្របល់ម្ដងទៀត។

២. បន្ទាប់ពីដុតប្រហុកឆ្អិនហើយ យកវាមកបុកលាយជាមួយគ្រឿងដែលនៅក្នុងត្បាល់នោះឲ្យសព្វចូលគ្នា ដួសដាក់ចានជាការស្រេច។ យើងអាចញុំាបុកម្ជូរក្រសាំងជាមួយអន្លក់ ដូចជាត្រប់ ត្រសក់ ស្ពៃក្ដោប ត្រកួនផ្សេងតាមចំណូលចិត្ត៕

ប្រភព៖ ម្ហូបស្រុកស្រែ