ចង់ញុំាទឹកកកឈូសទេ​ រៀនធ្វើខ្លួនឯង ចង់ដាក់លាយជាមួយផ្លែឈើក៏បាន

កម្សាន្ត៖ ទឹកកកឈូសជាបង្អែមដែលល្បីល្បាញជាយូរមកហើយ ប៉ុន្តែបច្ចុប្បន្នមិនសូវមានអ្នកលក់ទឹកកកឈូសតាមដងផ្លូវទៀតទេ ពីព្រោះតែទឹកកកឈូសត្រូវបានគេយកទៅកែច្នៃធ្វើជាបង្អែមជាច្រើនរសជាតិដាក់លក់នៅតាមហាងនានា។ ដោយសារតែទឹកកកឈូសនេះអាចច្នៃបានច្រើនរសជាតិ យើងអាចរៀនធ្វើខ្លួនឯងហើយដាក់គ្រឿងផ្សំតាមដែលយើងចូលចិត្ត។

គ្រឿងផ្សំ៖

១. ទឹកកកដុះ

២. ស្ករត្នោតថ្មី ឬស្ករស

៣. សរសៃដូងខ្ចី

៤.​ ខ្ទិះដូង

៥. ទឹកដោះគោខាប់

៦. ទឹកសេរ៉ូ

៧. ផ្លែឈើ តាមចំណូលចិត្ត

៨. ឡុតឈិត គ្រាប់ជី សណ្ដែកខៀវ សណ្ដែកក្រហម ឆៅគួយ ដាក់តាមចំណូលចិត្ត

របៀបធ្វើទឹកស្ករ៖

១.​ យកឆ្នាំងមួយសម្រាប់ដាក់ស្ករសចំនួន៣ខាំលាយជាមួយទឹក១កូនចានចង្កឹះ ដាក់អំបិល១ចុងស្លាបព្រាបកាហ្វេចូល ហើយកូរវាឲ្យរលាយអស់ហើយ បើកភ្លើងដាំទឹកស្កររហូតដល់ពុះហើយខាប់ល្អ ដាក់សរសៃដូងខ្ចី ខ្ទឹះដើមចូលរួចរាល់។

២. យកទឹកកកដុំនោះទៅឈូសឬយើងអាចយកទឹកកកដុំតូចៗល្អិតដែលយើងចង់បាន យកចានមួយដាក់គ្រឿងបង្អែម ឡុតឈិត គ្រាប់ជី សណ្ដែកខៀវ សណ្ដែកក្រហម ផ្លែឈើផ្សេងចូលក្នុងចានហើយដាក់ទឹកកកពីលើដាក់ទឹកស្ករចូល ចាក់ទឹកសេរ៉ូរោយ និង​ ទឹកដោះគោខាប់ពីលើជាការស្រេច។